تخيلو لو الحريم بيسوقن
ونلقالهن في كل شارع طرائف
تلقى العجائز فالشوارع يدوورن
وسيارة الاسعاف ترقب حتايف
وليا تأخرنا دقايق يصيحن
ثم اركبو فوق المواتر ولايف
قامت تكبس لك بالانوار ياهن
بين اخوياك وصرت محرج وخايف
وتخيلو لو ذات يومن يمرن
عليك دوريات والجمس طايف
ويوم اطرحوه يصير موقفك محزن
تلقى العجووز مكلبشه ياحسايف
وتلقى البني في كل جلسه يتكن
طقة بلوت ومعهن الكيف كايف
هذي تبا تحكم وهذي تبا صن
والبيت ضايع دون طبخ وغرايف
حق المرة ياشيخ تلعب على من
خبلان حنا ولى ويش انت شايف
وين انت عن صوت الارامل يروحن
وين انت عن حق المرة بالوظائف
وين انت عن جملة بنات يضيعن
وين انت ياراعي العلوم النصايف
لوهي بديكم كان قلتو يغنن
لاكن صدمتو بالجبال النوايف
هذا كلامي واسمعه زين واذعن
قلته ولاني من تواليه خايف
قلته وباقف وارفع الصوت واعلن
ارادة الامه على لسان نايف
ماهو تخلف لارفضنا يسوقن
راس التخلف لاتركنا العطايــف
السبت نوفمبر 13, 2010 3:09 pm
